Bang Media

Imyororokere

Turi Kuri Youtube

Abagore barindwi ku icumi bafite ingeso yo kwikinisha

Ubushakashatsi bwakozwe n’uwitwa Philippe Brenot mu gihugu cy’u Bubiligi ngo bwasanze abagore bagera kuri 3000 bikinisha.

Kwikinisha nk’igikorwa kidatera ugikora isoni


Uyu muhanga mu by’ubuzima bwo mu mutwe ndetse n’ibijyanye n’imibonano mpuzabitsina, ngo mu bushakashatsi bwe yifashishije ibibazo aho mu bagore 3404 ariko bashobora gukorana imibonano mpuzabitsina n’abagabo , aho buri wese yasubizaga mu ibanga ibibazo. Aba bagore rero ngo abenshi wasangaga bibanda kukuba ngo imibiri yabo itabatera isoni ugereranyije no kuba bajya gusaba umugabo kubafasha muri iki gikorwa.

Topsante dukesha iyi nkuru ivuga ko ngo abagore 68% ari bo biyemereye ko bikinisha kandi ngo babhikora kenshi bumva ntacyo bibatwaye, aho ngo abenshi usanga bashobora kwikinisha inshuro nyinshi mu kwezi nka 30%, cyangwa se inshuro imwe mu kwezi, Ikindi kandi ngo ntibakenera ibindi bintu byo kubafasha nka film z’imibonano mpuzabitsina n’ibindi ; ngo ahubwo ibitekerezo byabo ni byo bifashisha.

Ese kwikinisha bibamarira iki ?

Ikintu ngo abagore benshi bibandagaho ngo ni ukwishimisha, ikindi ngo bumva bibafasha kwimenya bakamenya ibice byabo bishobora kubafasha kwishima mu gihe babonye uwo bafatanya gutera akabariro, ndetse ngo no kudatakaza igihe bashaka ababafasha rimwe na rimwe ngo ntibanababone cyangwa se bakabumvira ubusa.

Gusa ariko n’ubwo aba bagore bakoreweho ubu bushakashatsi bo bumva bibafitiye akamaro, urubuga rwa internet sitefeminin.com rwo ruvuga ko ibi bishobora gutuma umugore yikomeretsa imyanya myibarukiro imwe n’imwe ndetse ngo bitewe n’uruhare bigira mu kwangiza ubwonko ngo bishobora gutuma umugore yumva ntacyo igitsinagabo kikimumariye mu buzima bwe. Ikindi ngo hari ubwo umugore asigara nawe yarihaze atacyita ku biranga ubwiza bw’umugore nk’umusatsi, isura ndetse n’ibindi kuko nyine aba yumva ntawe akeneye ko amwitaho.
Soma Inkuru Yose ...

Ingaruka zo kunywa itabi zibasira abagore kurusha abagabo

Abashakashatsi bo mu gihugu cya Noruveje bakoze inyigo ku ngaruka zo kunywa itabi basanga rigira ingaruka nyinshi ku bagore barinywa kurusha abagabo.

Muri ubu bushakashatsi bwasohotse kuri uyu wa 03 Gicurasi 2013 mu kinyamakuru Clinical Endocrinology & Metabolism, habajijwe abagera ku bihumbi 600,000, aho basanze ibyago byo kurwara kanseri ituruka ku itabi biri hejuru ho inshuro ebyiri ku bagore ugereranyije na bagenzi babo b’abagabo.

Ku bagore banywa itabi, ubushakashatsi bwagaragaje ko ibyago byo kurwara ari 19% mu gihe ku bagabo bingana na 9%.

Nubwo bimeze gutya ariko, ku mpande zombi birumvikana ko kutanywa itabi bigabanya ibyago byo kwandura indwara nka kanseri, umutima, ibihaha n’izindi ndwara zikaze.

Nk’uko bitangazwa n’umushakashatsi ku ndwara ya kanseri, Sarah Williams, mu bakoreweho inyigo basanze abagera ku bihumbi 4000 bafite kanseri, cyane cyane abagore batangiye kunywa itabi ku kigero cy’imyaka 16.

Inzobere zo mu itsinda ryo muri Kaminuza ya Tromso ziratangaza ko ubu ari bwo bushakashatsi bukozwe ku nshuro ya mbere hagamijwe kureba ikinyuranyo hagati y’umugabo n’umugore ku bijyanye no kwandura kanseri.

Nubwo ariko ngo nta wakwirengagiza impamvu zinyuranye zatera kanseri harimo inzoga ndetse n’ibiribwa bikorerwa mu nganda, abagore bagaragayeho imbaraga nke z’umubiri mu guhangana n’ubumara bw’itabi.

Kugeza ubu, nubwo abahanga bavuga ko umugore unywa itabi yarwara cyane kurusha umugabo ntiharamenyekana neza impamvu itera iki kinyuranyo.

Mu gushaka impamvu, itsinda ryo muri Kaminuza ya Australia ryegereye urubyiruko rwatangiye kunywa itabi ku myaka yo hasi aho basanze n’ubundi mu bana b’ingimbi 1000 bagaragaza itandukaniro hagati y’abahungu n’abakobwa.

Umwe mu bakoze ubu bushakashatsi akanabuyobora, Chi Le-Ha, yagize ati: "Umubare munini w’abagore bakunze guhitanywa n’indwara y’umutima, aho umwe muri batanu usanga anywa itabi ariko nanone guhagarika kurinywa bigabanya ibyago byo kwandura indwara nka kanseri.

Mu bagore barenga Miliyoni bakoreweho ubushakashatsi nyuma yo kureka itabi mu myaka ya za 30, basanze baba birinze indwara zifitanye isano no kunywa iryo tabi, ni ibintu bizwi ko kunywa itabi biganisha ku byago byo kwandura indwara zirimo amoko 14 ya kanseri.

Inzobere mu buvuzi bw’umutima yo mu kigo British Heart Foundation, June Davison, yatangaje ko bagiye gukora ubundi bushakashatsi bwimbitse ku ngaruka z’itabi ku muntu barinywera iruhande we atarinywa.
Soma Inkuru Yose ...

Indwara yo kujojoba ishobora kwirindwa

Abaganga b’inzobere mu kuvura indwara yo kujojoba "Fistula” yibasira abagore, bavuga ibiyitera bakanatanga inama y’uburyo yakwirindwa.

Umuyobozi w’Ibitaro Bikuru bya Kaminuza bya Kigali (CHUK) akaba n’inzobere mu kuvura iyi ndwara, Dr Hategekimana Theobald avuga ko iyi ndwara iterwa no gutinda ku bise kuko iyo umwana avuka anyura mu myanya myibarukiro .

Uko gutinda kuvuka ngo bituma umwana abyiga uruziga rw’amagufa (Bassin) uwo mwanya ugakweduka ukitsindagira kuri ayo magufa, bityo ntihagere amaraso bigatuma habora hagatoboka akayira gahuza imyanya myibarukiro n’umuyoboro w’inkari cyangwa urura runini.

Iyo umwana yamanutse cyane bikaba ngombwa ko akuruzwa ibyuma (Forceps) cyangwa umubyeyi akabagwa (CĂ©sarienne) nabyo bishobora gutuma ya myanya yatsindagiwe n'umutwe ikomereka hagacika akayira.

Mukagasana ClĂ©mentine, umuganga ukurikirana abagore bafite ikibazo cyo kujojoba mu Bitaro bya Kibagabaga, yongeyeho ko indwara yo kujojoba ishobora no guterwa n’izindi mpamvu nk’ihungabana, impanuka zitandukanye, hamwe n’indwara zo mu myanya ndagangagitsina.

Ku bijyanye n’uko abagore bakwirinda indwara yo kujojoba, Dr Theobald avuga ko icyambere ari ukwisuzumisha kenshi ku bagore batwite, kubyarira kwa muganga kandi bakagerayo ku gihe, naho abakobwa bakirinda kubyara bakiri bato kuko nabyo bashobora kubakururira iyi ndwara.

N’ubwo iyi ndwara ikomeje kwibasira abagore, Leta y’u Rwanda nayo yahagurukiye kuyirwanya no kwita ku bayirwaye ibashakira abaganga, nk’inzobere z’Abanyamerika zituruka mu Muryango Mpuzamahanga wita ku gore aho ziza mu Rwanda nibura 3 mu mwaka. Muri iyi minsi, ngo abo baganga bakaba bari mu gikorwa cyo kuvura abafite ikibazo cyo kujojoba bagera kuri 250 mu Bitaro bya Kibagabaga.
Soma Inkuru Yose ...